વડોદરા: 90 વર્ષ જૂનું મકાન ધરાશયી, એકનું મોત અને 4 ઘાયલ

તુષાર પટેલ, વડોદરા: વડોદરામાં માંડવી-ચોખંડી રોડ પર 90 વર્ષ જૂનું જર્જરિત મકાન ધરાશાયી થવાની ધટના ઘટી છે. આ દુર્ઘટનામાં 3 માળનું મકાન ધરાશયી થતા તેમાં રહેતાં 5 લોકો દટાઈ ગયા હતા. જેમાંથી એકનું મોત નિપજ્યું છે અને 4 લોકો ઘાયલ છે. 

ફાયર બ્રિગેડે દોઢ કલાકની ભારે જહેમત પછી તમામને બહાર કાઢીને સારવાર માટે હોસ્પિટલ ખસેડ્યા હતા.જ્યાં સારવાર દરમિયાન ભદરુદ્દીન કુવાવાલનું સારવાર દરમિયાન મોત નીપજ્યું.

મકાન ધરાશયી થવાની આ ઘટનામાં ફાયર બ્રિગેડે 9 મહિનાની બાળકીને ભારે જહેમત બાદ બચાવી લીધી છે. ફાયર બ્રિગેડની કામગીરીમાં પોલીસની સાથે સાથે સ્થાનિક લોકો પણ જોડાયા હતા.